JE TUPO WENYEWE KWENYE ULIMWENGU? S02, Ep8 (Nyayo za Wageni Kutoka Sayari Ya Mbali - Ujenzi wa Maajabu)

Ili tuweze kuwa na hitimisho lenye vigezo vya kitaaluma na kisomi hapana budi kuchambua kila aina ya ushahidi tunao upata, hivyo bado tunaendelea kuvipitia hivi vielelezo, ingawa unacho kiona hapa kwenye hizi posti ni kama 'karanga kwenye dafu la nazi' hivyo ni wajibu wako msomaji kuzama kwenye bahari pana ya vyanzo mbalimbali uweze kujiridhisha.

TIAHUANACO, BOLIVIA

Yale ambayo hayawezi kutokea, yametokea hapa. Ni eneo ambalo mkandamizo wa hewa ni mkubwa mno, kiasi kufanya hewa ya oksijeni kuwa ndogo sana. Lakini tofali lenye uzito wa tani 200 limekokotwa kwa umbali unao kadiriwa kufikia maili 90, kwenye eneo ambalo hewa ya oksejeni ni ndogo mno ni vipi kazi hii ilifanyika.

Jengo lililobaki kama masalia limejengwa kwa utaalam ambao hauwezwi kulinganishwa na teknolojia yetu, mbele ya ujenzi huo utaalam wetu wa ujenzi unasimama kama kituko.

Maheka na maheka maumbo ya jabu yamesimama, mapyramid, vyumba chini ya aridhi, mageti makubwa mno ambayo vyote hivyo vinathibitisha kutumika kwa taaluma ya hali ya juu mno kwenye Sanaa ya ujenzi, na si ya hali ya juu tu, lakini pia ambayo katika zama zetu leo, bado sana kuifikia.

Mageti mengi hapa utayaona yamejengwa kwa jiwe moja tu. Mathalani ‘Gate of the Sun’ ni jiwe kubwa mno kupata kuchongwa duniani na kusimamishwa kama geti. Futi 10 kwenda juu na upana wa futi 6.

Ukubwa wa majengo mengine hapa ni maajabu ndani ya maajabu. Hekalu la Jua limejengwa kwa mawe ambayo kila moja uzito wake ni baina ya tani 100 mpaka 200. Kuta za hekalu hilo zimejengwa kwa mawe yenye uzito wa tani 60 kila moja, ngazi zake zimetandazwa kwa mawe yenye ujazo wa tani 50 kila moja.

Mawe yamechongwa kwa ustadi mkubwa kiasi huwezi kuona ni wapi ynaungana na yakapigwa polishi.

 SACSAYHUAMAN, PERU

Inatamkwa ‘sexy woman’ ingawa haimaanishi hivyo. Ni kama ngome, juu kileleni kwenye mlima utaona mji wa zamani wa Cuzco. Mawe yenye ujazo ule ule wa tani 50 mpaka 200 unayakuta hapa. Hayapo chini, bali juu kusimamisha majengo yenye mvuto wa kipekee. 

Mawe hayo yameonganishwa moja juu ya jingine au pembeni kwa ustadi ambao huwezi kupitisha kisu au wembe baina yake. 

Jiwe moja unakuta limechongwa sawa sawa ili kuwezesha mawe mengine kumi na zaidi kuunganishwa na hilo ili kwa pamoja yatengeneze ukuta. 

Tizama picha hiyo hapo chini na uone jinsi gani kila jiwe limeweza kufiti na mwenzake sawia kwa kila upande na kwa ndani pia! Hi si kazi ya asili, yupo aliye nyuma ya kazi hii, yupo ambaye aliifanya kazi hii. 

Ni nani huyo, na katika zama zipi?

Kwa umbali wa kama yadi 100 kwenye eneo hilo pamelala pande linguine la jiwe lenye ukubwa sawa na jingo la ghorofa 5, lenye uzito unao fika tani 20,000! 

Halionekani kuwa ni kazi ya asili kwenye mazingira yake, bali kazi iliyofanywa kwa makusudio maalum, nani mfanyaji wake? Hata sasa hatuna mashine ya kusogeza uzito wa namna hiyo.

BAALBEK, LEBANON

Mahekalu mawili ya warumi yamejengwa juu ya msingi wa kale mno ulio kuwepo hapo kabla ya mahekalu hayo kujengwa. Mahekalu hayo makubwa kupata kuwepo kwenye dola ya warumi hata kidogo hayawiani na msingi unayo yabeba.

Msingi huu unadhihirisha taaluma ya hali ya juu kwenye fani ya ujenzi, ujuzi ambao mpaka leo historia haijatengeneza kopi yake.

Jiwe moja kwenye msingi huo linaukubwa sawa na basi, urefu wa futi 82 na kimo cha futi 15, likikadiriwa kuwa na zito baina ya tani 1,200 mpaka 1,500.

Mapande hayo ya mawe uliyatizama utaona yame nyanyuliwa kutoka aridhini kwa futi 20. Hata kwa kutumia zana za sasa, na teknolojia yetu ni kichekesho, hatuwezi kusogeza mapande hayo ya mawe. Lakini yalinyanyuliwa na yakawekwa kwa vipimo sahihi, mahala sahihi yaliyopaswa kuwekwa, na kuunganisha moja na lingine kiasi baina yake huwezi kupenyeza makali ya kisu kilicho nolewa.

Ni akina nani hao waliyo fanya kazi hii iliyo lenga kubakizwa hapo milele?

Ni vigumu mno kumuweka binadam wa sasa kwenye picha hii, wala si binadam wa Darwin anayefit hapo. Inahitaji watu 40,0000 kulisogeza jabali hilo, hata kama watapatikana na walisogeze ni vipi wau 40,0000 wanaweza kutosha kwenye eneo hilo la ujenzi na kuweza kulinyanyua jabali hilo?

Haiwezekani, kifupi inakuambia si binadam walio fanya kazi hiyo, wala hakuna mashine yeyote, kokote duniani kwenye majengo haya ambayo imeachwa kama alama ya namna gani walifanyiza kazi hizo. Fumbo juu ya fumbo. 

Ni viumbe gani hao, katika zama zipi? Mbona teknolojia yao na yetu ni kama nazi na karanga unapolinganisha na yetu.

EASTER ISLAND

Mbali kwenye kisiwa kilicho tengwa.

Mamia ya mawe ya ajabu yenye sura zinazo lingana na binadam, kila moja lina uzito baina ya tani 35 mpaka 50. Sura hizo zingine zimevalishwa kofia nyekundu. Kofia peke yake zinafikia uzito wa tani 10 kwa kofia moja. Kipenyo cha duara kwenye kofia hizo ni futi 25 na kimo cha futi 7. Kofia hizo ‘zilivalishwa’ baada ya masanamu hayo kusimamishwa.

Masanamu hayo yalichongwa karibu na mlima, kisha yakabebwa kutoka hapo umbali wa maili 5 mpaka mahala yalipo sasa bila kuacha alama yeyote. Masanamu mengine ni makubwa mno kukaribia jengo la kisasa la ghorofa saba.

Swali ni vipi waliweza kuchonga masanamu hayo, na vipi waliyabeba kutoka yalipochongewa mpaka yalipo sasa bila kuvunjika, na vipi waliweza kuyachomeka aridhini mithili ya vijiti?

Lakini swali la muhimu na msingi zaidi ni AKINA NANI HAO WALIO FANYA KAZI HIYO?

WALIIFANYA KATIKA ZAMA ZIPI?

 YU WAPI MWALIMU WA SOMO LA HISTORIA ATUSAIDIE KUTUPA MAJIBU?

YU WAPI DARWIN ATUAMBIE BINADAM HUYO ALIISHI ZAMA GANI?

Guys we are stilling build our case ...but worry not, at the end Inshallah we will find WHO is behind these, and if possible WHEN ... so stay tune till next time....

SHARES

Share

Pin it

Tweet

Share

Share

Share

Buffer

Print