salim msangi: MFALME OBAMA

Wadau!

Kweli mambo ni mengi, nilikuwa nataka kuiweka ubaoni posti inayo kwenda kwa jina la “Mfalme Obama kurithiwa na Malkia Hillary”

Lakini kwenye kumbukumbu zangu nilishawahi kuandika posti ya ‘Mfalme Obama’ ambayo nilihitaji kuitaja kama reference kwenye posti hii mpya, kilicho ni shangaza ni kuwa posti hiyo sikuibandika hapa, nikapitia posti zote nilizo bandika sijaiyona.

Sasa itabidi niahirishe posti ya ‘Mfalme Obama kurithiwa na Malkia Hillary” ili niibandike kwanza hii ya ‘Mfalme Obama’, sababu hii inatoa picha nzuri na nafasi nzuri ya kuelewa namna gani mrithi anayefuata ni Hillary na siyo Trump.

Lakini kama posti hii nilishaiweka kwa jina jingine tafadhali nikumbusheni nami nitaitoa mara moja na kuiweka hii niliyo isubirisha, otherwise keep enjoy and being educated at the same time with this blog!!!

Kikaragosi kikimuonesha Obama mithili ya mtawala wa iliyo kuwa Dola ya Roma.

“Serikali zinahitaji kuwa na hawa watu wawili, wachungaji na wachinjaji”

Voltaire mwanafalsafa wa kifaransa (1694 – 1778)

“Nenda, kwani wanakuita wewe, u mchungaji, kutoka mlimani”

Matthew Arnold (1822 – 1888)

Documentary hii inazungumzia Obama na uwakilishi wake wa Illuminant.

Nenda Obama kwani, wanakuita wewe, u mchungaji kutoka Kenya.

Wanamuita Barack Obama, tulichoambiwa baba yake ni mtu mwenye asili ya Afrika kutoka Kenya, hayasemwi mengi kuhusu mama yake, labda kwa vile hakuna anaye hoji, na huenda pia hakuna sababu ya kuhoji kuwa ‘muokozi’ wetu katoka wapi, tunacho paswa kufanya na kufuata tu kama ambavyo kundi la kondoo linavyo mfuata mchungaji wake, hata kama mbwa mwitu atamuuwa mchungaji na kuvaa nguo za mchungaji kondoo wataendelea kumfuata tu, kwani kazi yao ni kufuata.

Viongozi wetu wa kisiasa ni mbwa mwitu kwenye ngozi ya kondoo.

Huyu ndiye mteule wa Babylon Brother Hood, huyu ndiye mpakwa mafuta ambaye Illuminant wamemteua na kumpaka mafuta, huyu ndiye mpakwa mafuta wa nyumba ileee ... ya ... freemasonry, Barack Obama.

Yes!Tumeliwa.

Safari hii wanasemaje? Tuna kijana anaitwa Obama, kijana mweusi kutoka Afrika Mashariki, Kenya. We! Utachekwa. Muulize aliyekuwa makamu wa raisi Dick Cheney atakuambia Obama ni nani, mbele ya macho ya wapiga kura watu hawa wawili aliyekuwa makamu wa rais Dick Cheney na raisi wa Marekani wa sasa kwa tiketi ya Democratic, Barack Obama wanamitizamo tofauti yenye mawazo na nadharia zinazo pingana, lakini nyuma ya mapazia jamaa hawa ni ndugu wanashirikiana babu mmoja.

Kila mtu alimuona yeyey ni mfano wa Messiah

Mke wa Cheney alipokuwa anahojiwa na MSNBC alisema kuwa wakati anafanya utafiti wa kukusanya taarifa mbalimbali juu ya kitabu chake kipya anacho kiandaa kinachokwenda kwa jina la ‘Blue Skies, No Fences’ amegundua kuwa mume wake na kijana wa Democratic wanashirikiana babu wa vizazi nane vilivyopita. Anasema mwana mama huyo,^{^[1]}

“Hii ni hadithi ya ajabu kwa wa-Marekani kwamba babu mmoja, mtu anayetokea Maryland anaweza kuwa ndiyo sababu wa mkondo wa familia ambayo imechukua njia tofauti kama familia ya Dick na Obama”.^{^[2]}

Lakini mtu huyu mweusi anayo undugu wa damu na mtu mweupe na mmoja wa viongozi mashuhuri kwenye serikali za Marekani.

Obama na Cheney wanauhusiano kupitia kwa Mareen na Duvall waliyehamia kutoka Ufaransa mnamo karne ya 17. Lakini kijana huyu anayetajwa kama mtu mweusi haishii hapo kwa Cheney peke yake, Obama ni ami (mtoto wa mjomba/shangazi) wa 11 wa rais aliye muachia kiti hicho, W. Bush, wanarithishana wapendavyo. Bush na Obama wanashirikiana ndugu walio ishi Massachusetts karne ya 17, mababu na bibi hao

Ni kama mtu yule yule, toka Bush mpaka Obama, au wewe kuna tofauti uliyo ona?

wakubwa ni Samuel Hinckley na Sarah Soole,^{^[3]} kwa hiyo kama ilivyo damu ya Bush na ya Obama nayo inarudi mpaka kwa Malkia wa Uingereza naye anaibeba mpaka kwa Firauni wa misri, naye anairudisha nyuma mpaka katika Babylon ya kale. Obama ni kijana mwingine anayekuja kuipigisha hatua ajenda kubwa kuliko.

Tizama Hapo Bush na watu ambao anayo husiana nao kwa damu, imeitwa demokrasia lakini ukweli systeam ni ile ile ya kifalme, lazima uwe na damu hiyo ndiyo unakuwa rais, na siyo kura ndiyo inakuchagua.

Uchunguzi uliofanywa kwenye kitengo maalum cha kuchambua koo za familia na mahusiano yao kidamu kinachoitwa The New England Historic Genealogic Society kilikuja na hadithi ile ile pale kilipo zichunguza familia za waliokuwa wagombea watatu kwenye kinyang’anyiro cha kiti cha urais cha Marekani. Uchunguzi huo unatuonesha kuwa Obama si kwamba ana undugu na Bush peke yake na aliyekuwa makamu wake wa rais lakini pia undugu wake unaungana na aliyekuwa waziri mkuu wa Uingereza Winston Churchill.^{^[4]}

Kakuambia nani kuwa anatoka Kenya? Wajinga ndiyo waliwao, tizama ndugu zake, unaona mtu mweusi hapo? Acha hizo wewe unaibiwa ...

Uchunguzi huo pia unamuonganisha aliyekuwa mgombea mwenza wa Obama, Hillary Clinton na muimbaji maarufu wa muziki wa pop Madonna ambaye naye kafanya kazi nzuri za kimasonia kwenye nyimbo zake nyingi. Wakati huo huo Obama na mcheza filamu maarufu wa Hollywood, Brad Pitt wanashea mjomba mmoja aliyekufa mwaka 1769. Brad Pitt naye anatumiwa vizuri na Freemason katika kazi zake mbalimbali za filam, wakati huo huo rafiki wa kike wa Pitt ambaye naye ni mcheza filamu Angelina Jolie anahusiana na mjomba wa tisa wa Hillary Clinton ambaye alifariki mwaka 1718.

wa Ukistaajabu ya Musa utaona ya Firauni, hii ni dugu moja bhanah!

Kila kitu kinafuata mtandao kama alivyosema mwana masonia mwingine Bill Gates, kama tulivyoona watu hawa hawaowani kiholela. John McCain yeye na aliyekuwa mke wa raisi aliyemaliza muda wake Laura Bush wanashea mjomba mmoja, mmjomba wa sita kwenye mkondo wa ukoo huo.^{^[}^{^5]}

wa Wanaowana wao kwa wao, madaraka wao kwa wao, umaarufu wao kwa wao, kamuulize Princess Diana nini kimpata alipo taka kuleta mtu baki ndani ya nyumba. Chezea damu ya wafalme wewe!

Mchunguzi wa familia hizi bwana Christopher Child, anasema kuwa Obama anauhusiano pia na walio kuwa marais wa Marekani kama George H. W Bush, Gerald Ford, Lyndon Johson, Harry Truman na aliyekuwa kamanda wakati wa vita vya wenyewe kwa wenyewe ndani ya Marekani Robert Lee.^{^[6]}

Hillary kwa upande wa mama yake yeye ni Mfaransa mwenye asili ya Canada, ambapo anaunganishwa na waimbaji wengine wawili Celine Dion na Aanis Morissette. Wakati Obama mama yake ni mtu mweupe kutoka Kansas. ^{^[7]}

wa Wale wale, viongozi wale wale, ndugu wale wale, kwenye majukaa ya siasa wanatuchangana, wakiwa private wanapeana ma-hug kwa sana.

Muandishi wa habari ambaye ni mchanguzi na mtafiti bwana Wayne Madsen kwa kupitia vyanzo mbalimbali vya CIA ameweza kugundua uhusiano baina ya CIA na watu muhimu katika maisha ya Barack Obama na mama yake, baba yake, bibi yake na baba wake wa kambo.

wa Kweli huyu anafanana na Obama kweli? Hebu angalia hiyo picha vizuri, kusoma uwe hujui na kuangalia picha pia?

Tukianza na 'baba' yake na Obama ni kwamba alikuwa ni mmoja wa watu kadhaa waliotumiwa na CIA kwa ajili ya kusimamia mpango ambao utazuia siasa za ukomunisti kutoka China na muungano wa Sovieti usiingie Kenya na Afrika Mashariki kwa ujumla. Kennedy Foundation ilikuwa ikitoa pesa walizo ziita za ‘msaada’ kwa ajili ya kuwasomesha wanafunzi kutoka nchi za Afrika. September 12, mwaka 1960 Shirika la habari la Reuters kutoka London liliripoti kuwa mango unao itwa airlift ambapo fedha za Kennedy Foundation kwa ajili ya kuwasomesha watoto wa kiafrika Ulaya na Amerika si chochote bali ni mpango wa CIA kwa ajili ya kutoa mafunzo na kuwaanda vijana wa baadae wa kiafrika watakao tumika kwenye mapambano ya kisiasa dhidi ya China na Umoja wa Kisovieti kuzuia ushawishi wa kikomunisti kulimeza bara la Afrika.^{^[8]}

Simuoni Obama hapo hata kidogo, sijui wewe mwenzangu?

Kinara na kibaraka wa Marekani hapa Afrika Mashariki katika mpango huu wa Airlift alikuwa ni bwana Tom Mboya ambaye alikuwa ni kiongozi wa chama cha TANU. Mboya alimchagua Baba yake na Obama kuwa kwa ajili ya kupata scholarship katika chuo cha Hawaii nchini Marekani ambapo huko ndiko alipokutana na mzazi mwenzake kwa Obama Dunham.

Jina kubwa ndani ya Kenya mpaka Marekani. Tom Mboya.

Tom Mboya alipokea dola za Marekani 100,000 kama msaada kwa ajili ya Airlift kutoka kwenye Kennedy Foundation na hii ni baada ya kukataa kiasi kama hicho kutoka US State Department na hii ni kwasababu fedha hizo ambazo zingeonekana zinatoka moja kwa moja kwenye serikali ya Marekani zingewaamsha walio lala kuwa Mboya ni kabaraka na ajenti wa CIA nchini Kenya lakini hizi za Kennedy Foundation ni wachache wangejua kuwa ni fedha kutoka kwenye mfuko mwingine wa suruali moja.^{^[9]}

Mboya akiwa na Kennedy, alitumiwa vizuri wakati wa utawala huo kuhakikisha viongozi wa Afrika hawajiungi na ukomonisti, divide and rule kama kawaida.

Airlift iliyoandaliwa na kupangiliwa na Mboya mnamo mwaka 1959 ilijumuisha wanafunzi kutoka Kenya, Uganda,Tanganyika, Zanzibar, Northern Rhodesia, Southern Rhodesia na Nyasaland. Baba yake na Obama hakuwa ni miongoni mwa wanafunzi wa mwanzo kudhaminiwa na Kennedy Foundation kupitia mpango wa Airlift ila ni miongoni mwa waliofuata baada ya hapo.^{^[10]}

Ushawishi wa Tom Mboya ulikuwa mkubwa sana, hapa yupo na mzee Kenyatta.

Kazi ya Mboya na wenzake ni kuhakikisha kuwa wanafunzi, vijana na viongozi wengine wa kiserikali ni vyama vya siasa hawajiungi na siasa za mrengo wa kushoto, siasa za ukomunisti. Hivyo Mboya alikuwa ni mtu mhimu sana kwa CIA. Katika mkutano wa mara ya pili uliofahamika kama All-African People’s Conference (AAPC) uliofanyika Tunisia Mboya alitumika kama tochi ya kuwamulika viongozi wote waliohudhuria kuona misimamo yao ya kisiasa na ikiwa kama ni wafuasi wa siasa za mrengo wa kushoto.

wa Tom Mboya ndiye aliyemuonganisha mtu ambaye anatajwa kama baba yake Obama kwenye mtandao wa kuwaandaa vijana wa Afrika kufuata maono ya Magharibi.

Katika mkutano huo kwenye ripoti ya CIA inaeleza kuwa palitokea msuguano na kutokuelewana kukali baina ya waziri mkuu wa Ghana Kwame Nkurumah na Tom Mboya. Mkutano wa mwanzo pia wa AAPC inadai ripoti hiyo kuwa Tom Mboya aliifanya kazi yake vyema ya kuwamulika viongozi hao na kupeleka ripoti kwa wakubwa zake.

Wote watatu vifo vyao vinasemwa kuwa na mkono wa mtu nyuma yake.

Ni katika mkutano wa kwanza Mboya ndipo alimchagua baba yake na Obama kwenda kupata scholarship kupitia Kennedy foundation kwenye kivuli cha Airlift. Hivyo baba yake na Obama alikuwa akiaandaliwa kuwa ajenti wa CIA kwa ajili ya kufanya kazi sawa na ya Mboya.^{^[11]}

wa Bado namtafuta Obama kwenye picha za huyu mtu lakini simuoni.

Nkurumah alikuja kupinduliwa mwaka 1966 kwa msaada wa CIA na vijana wake iliyo waandaa kupitia mpango wa Airlift hapana shaka vijana wa Tom Mboya nikimaanisha Obama Sr. walikuwa na mkono kwenye kazi hii. Mwaka mmoja baadae mapinduzi mengine yalifanyika Indonesia ya kumpindua Sukarno kwa msaada wa CIA. Je unamjua mmoja wa waliohusishwa na mapinduzi hayo? Ni Ann Dunham, mama yake na rais Obama.^{^[12]}

Yes! Mama na mwana

Inasemekana Mboya aliuwawa mwaka 1969 na maajenti wa kichina ambao walikuwa wakishirikiana na serikali ya Kenya kuondoa ushawishi wa Marekani nchini humo. Baada ya kifo cha Mboya kila ubalozi jijini Nairobi ulipeperusha bendera yake nusu mlingoti ispokuwa ubalozi wa China. Ushawishi wa Mboya kwenye serikali ya Kenya uliendelea muda mrefu hata baada ya kifo chake na hasa muda ambao Obama Sr. akiwa hai.^{^[13]}

wa Kutoka Kenya mpaka kwenye Time, back then, it wasnt easy, your connection must be profound.

Dunham mama yake na Obama aliacha masomo katika chuo kikuu cha Huwaii mnamo mwaka 1960 wakati akiwa ni mjamzito wa mimba ya Barack Obama. Baba yake an Obama aliondoka Huwaii mwaka 1962 na kwenda kusoma Havard. Dunaham na Baba wa Obama walitalikiana mwaka 1964. Mwishoni mwa mwaka 1961 Dunham alirejea masomoni katika Chuo cha Washington akiwa na mtoto mchanga aliyeitwa Barack Obama.

Obama akiwa na Baba mwingine, ambaye naye kama alivyo mama yake, alifanya kazi na CIA

Mwaka 1963 mpaka mwaka 1966 Dunham alirudi tena katika chuo cha Hawaii. Mwaka 1965 Dunhama aliolewa na Lolo Soetoro ambaye akawa ni baba wa kambo kwa Obama. Soetoro aliondoka na kuelekea Indonesia mnamo July 20, mwaka 1965 kama miezi mitatu hivi kabla ya uasi uliosimamiwa na CIA dhidi ya Surkano kufanyika. Ni wazi kuwa Soetoro aliitwa Indonesia na CIA kwa ajili ya kusaidia uwasi huo dhidi ya Sukarno ambao uligharimu maisha ya watu milioni moja wa Indonosia.^{^[14}^{^]}

Kifaa kinaandaliwa.

Tuweke pose hapa kidogo.
Namaanisha serious pozi.

Now Your Talking. Haihitaji gazeti, picha inatosha.

Obama Sr. anatajwa kama ndiye baba yake na Obama, LAKINI kwa herufi KUBWA, kuna ambaye anaye tajwa kama ndiye hasa baba yake na Obama na siyo Obama Sr.

Kama huyaamini macho yako, basi iko shida kubwa. Mwenye macho haambiwi tazama, jamani ni yupi baba wa Obama kati ta Barack Obama na Frank Davis?

Mama yake na Obama, Ann alipokuwa na miaka 17 alikuwa ni mfuasi wa sera za kimaksi (Marxism) na ndivyo alivyo kuwa baba yake mzazi pia. Kipindi hicho alikuwa ni rafiki na mtu aliyeitwa Frank Marshall Davis, mwanamama Ann akawa ana mahusiano ya kingono na wanaume wawili, yaani Frank Marshall Davis na Obama Sr. Katika kipindi cha mahusiano na wanaume hawa wawili ndipo alipo pata ujauzito wa Barck Obama.

wa Picha hizi zimechangwanya, lakini picha ya kwanza Juu kushoto ni picha halisi ya Obama aka Obama II, na picha ya Chini mwisho kulia ni picha halisi ya Frank Davis. niambie inahitaji tarumbeta na safari za kwenda kwa bibi Kenya kuthibitisha Davis ndiyo baba wa Obama?

Ann akasema ujauzito huo ni wa Mkenya mfuasi wa Makzist ndiye aliyempatia ujauzito huo, na ambaye jina lake ni Barck Obama au Barack Sr.

Kwanini basi Obama na wale wote wanao ujua huu ukweli waliamua kunyamaza juu ya hili na kumsingizia Mkenya kuwa yeye ndiye Baba?

Lakini unapo mtizama Obama Sr. Na Obama Jr. Huoni hata kwa mbali kwamba wanafanana au kuhusiana kwa lolote, lakini ukimtazama Barack Jr. Na Frank M Davis, pumzi zitakuishia, ni copy right ya mwenzake.

Wanasema mtoto wa kukataliwa anakopi kila kitu, ndivyo alivyo fanya Obama kwa Davis. Chako chako tu, hata ukatae vipi. Tizama pua ya Davis na Obama, tizama midomo yao, tizama masikio, tizama bapa la uso na kope za macho yao, linganisha vitu hivyo na huyo jamaa wa Kenya! Kha!

Naweza kuendelea zaidi na zaidi juu ya baba yake Obama kuwa siyo Obama Sr. Bali ni Frank M. Davis, lakini hiyo siyo mada kuu, kwa kukusaidia pitia kumbukumbu hizi, tafuta kitabu kilicho andikwa na David Maraniss kinacho kwenda kwa jina la Barack Obama: The Story, tembele wovuti huu

http://astuteblogger.blogspot.com/search?q=STANLEY+ANN+DUNHAM

na huu

https://politicalvelcraft.org/2013/04/06/obama-hitler-from-no-where-thats-how-rothschild-likes-it/

na pia tazama video hii.

Mwaka 1967 Dunham alielekea Indonesia akiwa na Obama, kipindi hicho alianza kufundisha some la kingereza kwenye ubalozi wa Marekani Jakarta ambapo pia ilikuwa ni eneo lenye vituo vikubwa vya CIA. Mama yake na Obama alikuwa akifundisha somo la kingereza kwa ajili ya USAID ambayo nayo ni moja ya taasisi zinazotumiwa na CIA kama kivuli cha kufunikia kazi zao mbalimbali katika nchi tofauti tofauti.

Mama yake Obama akiwa na wazazi wake.

USAID ndani ya Indonesia ilikuwa ni kivulicha shughuli za CIA. Dunham pia alikuwa akifanya kazi na mashirika ya Ford Foundation, World Bank, Asian Development Bank, Asian Development Bank, Bank Rakyat.^{^[15]}

Mwaka 1971 USAID ilitoa fungu kwenye kile kilicho fahamika kama ‘Centre for Vietnam Studies’ katika chuo kikuu cha kusini cha Illinois ambacho kilishutumiwa kuwa ni miongoni mwa vivuli ambavyo CIA inavitumia kufichia kazi zake chafu.

Nafasi ya USAID kwenye CIA

Shirika hilo la USAID lilitoa fungu kwa mradi mwingine ulio fahamika kama Midwest Universities Consortium for International Activities (MUCIA) ambao ulihusisha vyuo vya Illinois, Wisconsin, Minnesota, Indiana na Michigan State ambavyo navyo vilishutumiwa na CIA kwa ajili ya kufanikisha miradi yake ukiwemo ule wa ‘agricultural education’ nchini Indonesia, na ‘miradi’ mingine kwenye nchi za Afghanistan, Mali, Nepal, Nigeria, Thailand, na Vietnam Kusini. Madai haya yalikuja mwaka 1971 mwaka ambao Ann Dunham alikuwa akifanya kazi kwenye shirika la USAID nchini Indonesia.^{^[16]}

Mama yake Obama aliingia kwenye mtandao huu mpana kupitia kwa wazee wake.

Julai 10 mwaka 1971, New York Times liliripoti kuwa USAID na CIA wanashutumiwa kwa kupoteza dola za Marekani bilioni 1.7 zilizotumika vibaya katika mpango uliofahamika kama Civil Operations and Revolutionary Development Support (CORDS) Viernam Kusini. CORDS ilikuwa ni sehemu ya mpango wa CIA ulio fahamika kama Phoenix.

wa Kwa njia moja au ngingine wazazi wa Obama wa pande zote mbili walijihusisha vilivyo na kazi za CIA.

Fedha zilizo kuwa zikitolewa na USAID kwa ajili ya kufanikisha shughuli za kimaendeleo vijijini hazikuwa na lengo hilo ispokuwa kufunika shughuli za CIA zilizo kuwa zikilenga kuzuia harakati na kuenea kwa ukomunisti. Dunham alisafiri pia kuelekea Ghana, Nepal, Bangladesh, India na Thailand akifanya shughuli za kuwawezesha wafanyabiashara wadogo wadogo, shughuli ambazo zilikuwa chini ya USAID, shughuli hizi zilikuwa ni shuka kufunika kazi Fulani za CIA. ^{^[17]}

Sehemu kubwa ya fedha za USAID ZINAKWENDA KUDHAMINI KAZI CHAFU ZA CIA Ambazo zina baraka ya Washington

Wakati Dunham aliporudi Hawaii alimuacha Obama kwa bibi yake, bibi huyu alifahamika kama Madelyn Dunham na alikuwa ni rais wa kwanza mwanamke kwenye benki ya Hawii kwenye jiji la Honolulu.

wa Ni kama hakuna tofauti baina ya CIA na USAID, ambako mama yake Obama na wazazi wake wengine walifanyia kazi kwenye shirikia hilo.

Benki hii ilitumiwa na mashirika/vishirika na miradi kadha wa kadha iliyokuwa chini ya CIA. Hii ni moja ya benki iliyotumiwa na CIA kusafishia fedha zao na pia kutuma fedha zao kwenda kwenye miradi mbalimbali chini ya jicho la rais wa benki hiyo ambaye ni bibi yake na Obama kwa upande wa mama, bibi Madelyn Dunham.^{^[18]}

Kazi kubwa ya mashirika haya ya msaada ya Marekani inasemwa ni kusambaza Demokrasia, lakini hiyo demokrasia watakuletea kwa njia nyingi ikiwemo vita, mapinduzi n.k

Hivyo inaonekana wazi kuwa wakati 'baba' yake Obama alikuwa ni ajenti wa CIA katika kupambana na ukomunisti usiingie Afrika Mashariki na hasa Kenya, Mama yake Dunham akiwa na baba wa kambo wa Obama Soetoro walikuwa wakifanya kazi kama hiyo hiyo chini ya CIA ndani ya Indonesia. Lakini bibi yake na Obama naye kwa upande wake akiwa Hawaii alisimamami kazi za CIA kwa upande wa fedha kuhakikisha zinafika pale zinapotakiwa kwa madaraka aliyo pewa.

Hatimaye 'Munchiria Candidate' amekamilika, amewiva.

Babu yake na Obama kwa upande wa mama yake bwana Stanley Armour Dunham naye alikuwa ni ajenti wa CIA Lebanoni nchini Beiruti kwenye miaka ya 1950.^{^[19]}

Ukitazama historia ya Obama Sr. na Ann Dunham, utaona zinawiana vilivyo hasa kwa upande wa kazi walizokuwa wakizifanya, tofauti na historia ya Frank M Davis, ambaye hasa ndiye kwa kila kitu anaonekana kuwa ndiye baba halisi wa Obama.

wa Yes! Hapa namuona Obama kiurahisi zaidi kuliko kwenye ile picha ya kutoka Kenya.

Lakini historia mbaya ya Davis na kazi alizokuwa akifanya ndiye zilizo wafanya Obama Jr. mama yake, CIA, na wengine ambao walisha andaa maaisha ya kijana huyo kuingia white house kumkataa Davis na kumchagua Obama Sr. kwa sababu za kisiasa. Davis kama baba wa Obama Jr. angezidi kutia doa kwenye mbio za uraisi kwa Obama kuliko zilivyo kwisha kuwa ngumu kutokana na historia inayo izunguka familia yake na Obama mwenywe.

MH! Hapa tumeibiwa, hata kwa kusingiziwa , lakini tumsingizie mengine huyu baba, ila si kumuita ni baba wa Obama.

Ukiitizama ripoti hii ya Wayne Madsen na ukipiti avyanzo vingine huru vya habari kuhusiana na kijana huyu kutoka ‘Kenya’ utaona mkono mrefu wa CIA ulivyo kuwa unamuaandaa kijana huyu hata kabla hajazaliwa. Utaona kuwa Obama ni chaguo la CIA, Obama ni mteule wa CIA, Obama alichaguliwa muda mrefu nyuma hata kabla ya mwaka 2008 kuwa rais wa taifa hilo, utaona kuwa si kila mtu anaweza kuwa rais wa Marekani, utaona kuwa kijana huyu mweusi hakuikanyaga White House kutokana na kura za watu, Huyu ni nabii wa Illuminati, amelelewa chini ya jicho la CIA ambayo ni asasi nyingine muhimu ya Illuminati.

Chagua jibu sahihi, ni yupi Baba wa kweli wa Obama kati ya picha mbili hizi zilizo pembezoni mwake?

Hivyo amekuja kusimamia kazi za Illuminati. Nabii huyu amebeba sifa zote anazotakiwa kuwa nazo nabii wa Illuminati.

Stori ya mfalme mteule inaendelea ... stay tuned ...

wa Ikiwa kwa namna moja ama nyingi swali lile hujalielewa, nalirudia tena hapa na kwa picha zinazo onekana vizuri zaidi, TELL ME WHO IS THE FATHER BETWEEN SR. OBAMA AND DAVIS?

[1] http://www.msnbc.msn.com/id/21340764/ns/politics/t/lynne-cheney-vp-obama-are-eighth cousins/#.TyTCs4FGOno

[2] Ibid

[3] Scott Fornek, Chicago Sun-Times, Sep 09, 2007

[4] http://www.infowars.com/president-obamas-rise-due-to-blue-blood-ancestry-or-power-of-american-dream/

[5] Ibid

[6] http://forum.davidicke.com/archive/index.php/t-38564.html

[7] Ibid

[8] Wayne Madsen , Special Report:The Story of Obama: All in The Company (Part I), AUGUST 16, 2010, From Washington D.C. (USA)

[9] Ibid

[10] Ibid

[11] Ibid

[12] Ibid

[13] Ibid

[14]Wayne Madsen , Special Report:The Story of Obama: All in The Company (Part II), AUGUST 16, 2010, From Washington D.C. (USA) http://www.infowars.com/bombshell-‐barack-‐obama-‐conclusively-‐outed-‐as-‐cia-‐creation/

[15] Ibid

[16] Ibid

[17] Ibid

[18] Ibid

[19] Ibid