salim msangi: JE TUPO WENYEWE KWENYE ULIMWENGU? S02, Ep13 (Nyayo za Wageni Kutoka Sayari Ya Mbali

Saturday, January 27, 2018

JE TUPO WENYEWE KWENYE ULIMWENGU? S02, Ep13 (Nyayo za Wageni Kutoka Sayari Ya Mbali - Taa Zisizo Zimika Milele ...)

Mwaka 1938-39 Wilhelm Konig, mwana historia wa Kijerumani aliokota ‘betri’ zilizo tengenezwa kwa kopa na udongo na kuwa mfano kama wa jagi au kibuyu, aliokota vifaa hivyo maeneo ya Baghdad, vifaa hivyo vilikariwa kuwa ni vya zaidi ya miaka 2000 iliyopita.

Baada ya WWII, Willard Gray wa kampuni ya General Electric, aka-copy na ku-paste aina hiyo ya betri ya miaka 2000 iliyopita, na ilipojaribiwa ilifanya kazi. Ushahidi kuwa Babiloni zama hizo walikuwa wanatumia betri!

Ikumbukwe kuwa utengenezaji wa betri katika zama zetu ulianza mwanzoni mwa karne ya 19.

Uatikanaji wa Betri hizo za Baghdad ni uthibitisho kuwa, kwenye zama ambazo tulidhani ni zama za kiza, kiuhakika zilikuwa zama za ‘mwanga’ sababu walitumia vifaa vya umeme.

Denis Saurat, mwandishi na mtafiti wa Kifaransa alipata ushahidi wa kuwepo vifaa vya kiumeme Egypt.

Lakini kwa upande mwingine kumekuwa na hadithi juu ya uwepo wa taa za kale zinazo waka milele bila kuzimika. Imeshindwa ‘kufahamika’ ni aina gani ya nishati hasa ambayo ilitumika kuziwasha taa hizo zisizo zimika.

Luciana, (120-180 BK) mwandishi maarufu wa zama hizo, anaandika katika kusafiri kwake kwenye miji ya Hierapolis, Syria, kwenye hekalu lilikuwepo sanamu ambalo liliwekwa kifaa ambacho giza linapoingia, kifaa hicho kililiangaza hekalu lote kwa nuru iliyo itoa!

Hekalu jingine la Hadad au Jupiter lilikuwa na kifaa kama hicho ambacho giza linapoingia basi hekalu zima linajazwa nuru na kifaa hicho.

Pausanias mwana jeografia wa kigiriki anaandika juu ya dhahabu iliyokuwa ikiwaka kwa mwaka mzima kwenye hekalu la Minerva.

St. Augustine wa 354-430 BK, aliandika juu ya taa ya ajabu ambayo si mvua wala upepo uliyo weza kuizima taa hiyo iliyo kuwepo Egypt kwenye hekalu la mungu Isis. Aina hii ya taa ilipatikana Antioch wakati dola ya Bezantiya ilipokuwa moja ya super power ya dunia, karne ya 6; juzi tu hapo. Taa hiyo ilikuwa ikiwaka kwa zaidi ya miaka 500.

Hadithi za taa zinazo waka maelfu ya miaka utazikuta, katika miji ya kale ambayo ustaarabu wao haujulikani ni wapi hasa ulitokea.

India pia zimepatikana aina hizo za taa, ambazo zinadaiwa zilikuwa ni taa za waungu wao walio itwa nagas, waungu nyoka, na ziliwaka kwa mamia kama siyo maelfu ya miaka.

Mahekalu yaliyo patikana kwenye miji ya Sumeria, Egypty, Babiloni, India, Himalaya, Tibet, Peru, Mexico kutaja kwa uchache makuhani na makaburi ya makuhani hao kume kutikana taa zilizo weza kuwaka kwa mamia kama siyo maelfu ya miaka.

Taa hizo mahali pengine zinatajwa kama aina fulani ya mawe, katika miji mingine ya kale na kwenye miji ya chini ya aridhi kumekuwa na maansidhi kwamba kuna ‘mawe’ yanayo ning’inia hewani na yakitoa nuru wakati wa usiku kama mwezi!

Maswali ni mengi, si kwamba zama hizo zilizo sahaulika walikuwa wanatumia umeme na betri, lakini walitumia umeme na betri bora kuliko ambazo tulizowahi kutengeneza kwenye zam zetu.

Betri yenye zaidi ya miaka 2000 inajaribiwa kwenye karne ya 20 na inawaka! Makaburi na mahekalu yamewekwa taa zinazo waka mamia na maelfu ya miaka! Hatujawahi kuwa na betri au taa za namna hii, au kuwa na mawe yanayo waka kama mwezi wakati usiku.